UNHA MASCOTA PARA A NOSA BIBLIOTECA

Como ben sabedes a biblioteca do noso centro puxo en marcha un concurso para elexir mascota. Hoxe queremos dar a coñecer os debuxos dos sete finalistas; dentre eles sairá elexido o gañador. Sei que foi moi compricado escoller, xa que todos eran realmente fantásticos. Nuns días saberemos cal deles será a mascota encargada de informarnos das diferentes actividades que dende o equipo da biblioteca se propoñen. O resto dos debuxos serán expostos na biblioteca. Moitas grazas a todos e todas por participar.

MOI BO NADAL!!!

O EDLG deséxavos Bo Nadal e un vindeiro 2015 cheo de boas novas. Antes de que remate o ano queremos compartir con todos vós este vídeo que recolle unha pequena mostra dos traballos de Nadal feitos e que forman parte da decoración do centro durante este último mes. Están feitos todos uns artistas. Cargade moito as pilas nestas vacacións!!

XOGOS POPULARES E TRADICIONAIS.

Proximamente, nos tempos de recreo, poderemos xogar ao peón, á corda, ao brilé, ao pano, ás cordas, ...  e a unha morea de xogos populares e tradicionais que forman parte do noso patrimonio cultural. Moitos destes xogos veñen acompañados de cantigas coas que disfrutaredes repetíndoas unha e outra vez. Agardamos que con eles pasedes moitos momentos de ledicia, tantos como os que nós pasamos cando éramos cativos. Disfrutade moito!!!

POLO SAN MARTIÑO, TROMPOS AO CAMIÑO

O MAGOSTO NO COLEXIO DE CARRIL

E por fin puidemos celebrar a festa do magosto. Despois de moitos días de chuvia e de ter traballado en clase con distintas actividades ao redor desta sabrosísima festa, por fin o tempo deunos tregua e deixounos saír ao patio a comer castañas e  xogar con elas.

Mapa conceptual do magosto feito polos alumnos e alumnas de 1º

Do magosto aprendimos que é unha festa cíclica do outono que anuncia a chegada do tempo frío.
Que a árbore da que nacen chámase castiñeiro e que un bosque de castiñeiros recibe o nome de souto.
Que as castañas hai que sacalas con coidado dos ourizos, que pinchan moito, e que despois van ao sequeiro a pasar uns días para ser secadas e así non collan bicho.

Aquí temos a imaxe dun sequeiro no medio do souto.

E que antigamente, o magosto realizábase no mesmo souto onde recollían as castañas.


E agora algunas fotos que dan contan do ben que o pasamos.

O TEMPO DO SAMAÍN NO COLE

O TEMPO DO SAMAÍN NO COLE

A FESTA DO SAMAÍN

AUTORRETRATOS CON ACRÓSTICOS

A principios de curso, para coñecernos todos e todas un chisquiño mellor realizamos esta actividade: debuxamos o noso autorretrato e, coas iniciais dos nosos nomes, fixemos uns acrósticos empregando verbas en galego que nos gustasen moito. A idea sacámola do blogue "Falando enténdese a xente".
Clicade no vídeo para ver como nos quedaron. Nós pensamos que xeniais pois son todos e todas moi imaxinativos.