DÍA DA PAZ E DA NON VIOLENCIA

CREBACABEZAS POLA PAZ

As árbores da PAZ

Estos son os traballos dos nosos alumn@s para lembrarnos que a PAZ ten que estar presente os 365 días do ano

A PAZ

Estase acercando o DÍA DA PAZ e podemos pasalo moi ben xogando con este xogo
VAI ESTALAR A PAZ

OS PARAUGAS POLA PAZ 2016

Estos son os paraugas pola paz de todo o cole, dende a aula de 3 anos de infantil ata as aulas de 6º de primaria.
BO TRABALLO CHICOS!

DÍA DA PAZ

 

SEMANA DA PAZ E DÍA DA PAZ (29 DE XANEIRO 2016)

Proxecto PARAUGAS POLA PAZ, de MATT LAMB (pintor irlandés)

Este proxecto empezou no 2002 con 38 nenos orfos vítimas do 11 de setembro.  Xa participaron desde ese momento ata agora 900.000 nenos e adultos de 27 países ( de Arxentina, Australia, Bélxica, Brasil, Canadá, República Checa,  Filipinas, Francia, Alemania, Grecia, Irlanda, Italia, Israel/Palestina, Xapón,  Lituania, Luxemburgo, Panamá, Polonia, Slovenia, Rusia, Singapur, España,  Reino Unido, EEUU, Thailandia e Vietnam). Hai máis de 500.000 paraugas pintados. O paraugas como metáfora de protección. A parte superior (que é a que se pinta)  simboliza a vivenda e a parte interior/inferior representa as nosas preocupacións e medos.

 

O día 30 de Xaneiro conmemórase a morte do líder nacional  e espiritual da India, o Mahatma Gandhi, o 30 de Xaneiro de 1948,  asasinado a tiros por un fanático hinduísta. Gandhi naceu en Porbandar, India, en 1869, e tras graduarse en  dereito en Inglaterra, instalouse en África do sur e loitou  alí contra a discriminación de que eran obxecto os indios. Ao  volver á India organizou a resistencia non violenta contra o colonialismo e a non cooperación coa administración inglesa.  Tratou de frear os choques entre hindús e musulmáns.  Encarcerado en numerosas ocasións, era en 1937 o líder dun movemento independentista capaz de mobilizar ou  deter a millóns de indios. Por outra banda, tamén celebramos nesta xornada o Día  Escolar da Non-Violencia e da Paz. Este foi fundado en 1964 polo Inspector de Ensino Lorenzo Vidal. É definida como  unha xornada educativa de pacificación, co fin de levar  aos educandos polo medio da reflexión persoal ao descubrimento  da mensaxe fundamental de que "o amor é mellor que o odio,  a Non-violencia mellor que a violencia e a paz mellor que a guerra" (Vidal, 1972).

Enlaces para traballar a Semana da Paz ou do Día da Paz

• https://sites.google.com/site/dereitoshumanospaztransversais/
• http://www.edu.xunta.es/centros/ceipfrian/node/2414
• http://aulatic-terradeferrol.blogspot.com.es/2016/01/recursos-para-o-dia-da-paz_17.html
• http://www.edu.xunta.es/centros/ceipmestremanuelgarcia/node/463
• http://atlasdossonhos.blogspot.com.es/2016/01/cancion-para-o-dia-da-paz.html
• etc.

DÍA DA PAZ

Hoxe foi un día especial no cole porque celebramos o día da Paz. Para festexar esta data elaboramos un vistoso mural no cal escribimos unha lenda dos indios americanos. Dese mural partían moreas de bolboretas cara as distintas aulas, bolboretas que levábamos xa uns días pintando e decorando. O centro encheuse así de fermosas bolboretas e podo dicir que estaba precioso con toda esta ambientación. Tamén estivemos ensaiando a canción de Toc toc de Pablo Díaz, así que hoxe todos e todas estábamos preparadísimos para cantala, cousa que fixemos verdadeiramente ben. Por mor da chuvia o acto tivo lugar no salón de actos e ao final rematamos cunha actividade moi emocionante: soltamos unhas pombas grazas a colaboración dun avó dun alumno do noso centro.
A continuación amosamos un vídeo que recolle unha pequena escolma de fotos nas que poderedes ver o moito que traballamos e o ben que o pasamos.